記得小時候，我很頑皮，經常撞至手瘀腳青，
每晚我就拎住跌打酒跟你講：老豆，好疼呀，幫我擦跌打酒吖
到我大了，知無喜歡食甜食，每每出糧都買好多零食果仁返屋企
但...我並無留意，你已經年紀大，甩左好多牙
當日，當我聽到你同我講，醫生話照到肝有兩個腫瘤，我希望我係聽錯
我呆左沒有反應，我不懂面對
第二日，醫生同我講，原發係大腸已經擴散致肝...
如果唔係因為膽管問題令你痛，我哋都無發現，問題係咁嚴重
當日，因為膽管阻塞，必須做手術體外引流，我只懂得流淚...
當日，因為腸腫瘤令你做成腸塞，必須緊急做手術，我已不懂得反應
你卻跟我講：妳放心啦，我仲有好多嘢未做，我唔會有事
當日，你因為腳腫得厲害，我送你入醫院，你仍然同我講
三日就可以出院，頂多住一星期
老豆，我真係好掛住你，你當晚不停同我講，
返去屋企食飯啦
返屋企陪阿媽啦
老豆，我知道你好辛苦，我知道你好想撐落去
老豆，對唔住，無法再孝順你，報答你
