底線

星期三 (02-04-2014)

老公出完差返嚟

我有啲唔高興

原因在於

我老公同一個已婚的女同事出差

佢兩個一齊食飯(正常嘅！)

收工仲一齊去按腳？！

我同佢去旅行，我行到攰到CC下

我話要按腳

佢會話佢唔鍾意比按

情願返酒店佢幫我按！！

但....

佢兩個人去按喎！！！

而且....

 返到香港....

我老公不嬲去旅行幾多日都唔會寄艙

拎個大背囊就搞掂

但佢個同事

三日啫！

有咩事要拎喼寄艙呀？

我老公仲要話陪人等埋行李先返！！！

佢班機已經delay左個半鍾，

原本出閘直接走

我仲可以晌轉車站等埋佢先一齊轉車返屋企

我已經即刻話佢

仲陪佢等？點解要陪呀？

要陪都唔係你啦！

我講完佢先話咁佢唔陪人等

但都已經遲左

我老公係一個濫好人

做好人唔係唔好

但...做啲嘢唔好令人誤會先得嫁！

好人都要有個底線囉！